戲假情真

新近活脫脫在演繹"天涯俠醫"內戲中人的心路歷程:

(一)"唔想俾你知…"

劇中齊醫生得了肝癌，一直對家人，及他所喜歡的晴晴隱瞞，因為唔想他所愛的人擔心…

vs"黃薰，明叔唔俾我講俾你知，醫生話佢有血癌，佢真係好錫你，怕你擔心，怕影響你身體…"昨晚蔡太終於"爆"給我知，令到我今天清晨"紮醒"，一直在反履思考此事，殊不知6時多電話響起:"黃薰，明叔在急症室，情況危急…"

(二)"完全做唔到嘢…"

劇中yoyo的父親憶述yoyo動心臟手術時，自己的心情："完全做唔到嘢…"

vs周三整個早上想起牧師正在手術中，我整個人完全function唔到，不斷祈禱，不斷撹東撹西，不斷為牧師發出代禱要求給唔識他，但識我的肢體，也逼自己預備下午的查經，但精神完全集中唔到!也前後為他的手術哭了N次，這個早上鄧姑娘一個來電問候他，教我又大大哭了一大場!

直到大家收到師母的SMS謂手術成功，才如釋重負，心中放下大石!!!

(三)"唔可以無咗你…"

劇中yoyo大小姐得悉齊醫生癌症復發，大哭說:"我唔可以無咗你…"

vs每每想到牧師開腦之後的情況，我便很忐忑不安。剛剛的周三祈禱會，神學生帶我們看亞伯拉罕獻以撒的事件，我想到如果沒有了牧師在我們中間，我真的接受不了---在公在私。

我真的無法"把牧師獻上"，原來我真的很愛他---我的同工，我的牧者，我的假想父親!

(四)"唔想醫病…"

面對一場無把握，卻一定辛苦的化療仗，齊醫生嘗試過放棄，選擇把握已有的時間作他想作的事。

vs今天醫生問我，想唔想試一隻未試過的化療藥，我立即"拪手兼拎頭"，咪撹!
"咁又係，無把握，只係試吓!"佢慨嘆。

可愛及結婚3年的她，話也想給我利是，但又因過了年15全已收起；又想幫我，但我又唔想試，終於找到地方幫了我一個忙---開了一隻新止痛藥，應該無嗎啡咁辛苦!

多謝你，p醫生!