假齊藤太太

"正義靚太"中的齊藤太太是一個路見不平，不能不嗚的人。

今晚我竟主演了一幕港產版的齊藤太太，不過肯定是pseudo，即空有外殼，和實際相差遠的人!

事緣一個人用膳畢，一出餐廳即見他在路上抽煙，還問我明天可否代他奉獻，因為趁聖誕節他想自行放假唔返教會。

俾我"蛾"佢一輪，佢正要折返餐廳之際，竟把未熄滅的煙頭隨意丟在地上。

"唔可以隨地丟煙頭!!!"我大叫，完全和"正義靚太"中其中的片段一模一樣!
"你幫我丟!""唔得!"
"我要入返去埋單，唔係佢地以為我走佬。"
"我係到等你。"

嘩!好似好正義，好一個港產版的齊藤太太呀!

雖然最後成功"逼"這位弟兄把煙滅了的煙頭丟進垃圾桶，但我邊行返家，心中邊自問:"如果當事人不是這位我認識，又聽我話，單純的弟兄，我會唔會咁勇???"

唉!未必!

記得在法國讀書時，一次深夜獨自在巴黎地鐵車廂內，一班年青人衝上來，又吵又亂丟垃圾，好似是花生殼。

我站在一旁，氣得很，但唔敢出聲，只是向神祈禱傾訴。

沒想到突然有幾個地車員上了車，票控了他們，噢!真的大快人心。

我真的不是一定勇猛，日常遇不平事也未必出聲，但會祈禱--問神點算，或承認自己唔得，等神出手!

說到底，自知自己只是一位"假齊藤太太"，有義憤，未必有行動的怕事人!!!