今天覆診QE內科，難得遇上年青友善的他，讓我對我的病有進一步的了解。
”醫生，人體只是有幾組重性肌肉呀？”我問他，因為我一直以為只有眼啦，呼吸系統啦，及食道啦會受我個病影響。
”唔係，重性肌肉無力症只是ｎ年前發現時定下的名稱，其實全身的肌肉都可以受影響，例如有一些人眼皮dub，有一些人四肢無力，有一些人連頸也抬唔起…你未見過呀？”
”未呀！”
”你個病主要係自己的抗體殺晒肌肉神經末梢的receptor，咪接收唔到signal囉！D大力丸做返橋樑，等Ｄ signal可以傳達！”
”咁我係未可以再減藥？”
”你的病都算非常輕微，有些病人食到幾十ｍｇ一次，打埋類固醇都唔得！不過，你都唔可以斷尾，要繼續食！”
好心的他更關心我的過期藥，夠唔夠止痛藥，甚至破天荒主動叫我驗血－－從來未有醫生會咁offer我。
見完他，我心真的滿是感恩，除了有時因累而”大舌頭”外，我一直沒有重影，又未試過四肢無力，對眼又一直有好轉，先至可以做到咁多嘢！
跟住再用$10拿到夠我4個月食的一大堆藥，睇完醫生拎埋藥，全身仲有$20剩，更加叫我感恩！哈哈哈！
No comments:
Post a Comment