我們的對話

一個很想走，及一個唔甘心走的人的對話:

"殷世伯，多謝你為我祈禱!"
"阿薰，你講道講成點?"
"好辛苦地完成，無氣，全世界都睇到。真係有人讚(笑!因為佢講過會為我咁祈禱!)"
"我為你祈禱有人讚你講得好!"
"哈哈，你的禱告又成事!"(有一次佢祈禱我俾人讚我靚，一下台真的有姊妹跑來說我靚咗!笑爆!)

"無氣，點算?"
"你求神幫你，佢一定會幫你!"
"你信神會幫我，咁佢會唔會幫你?"我挑戰他。
"如果佢想幫…"
"你想佢點幫你?"
"快d俾我走!"
"時間未到，你唔好想咁多。你真的準備好走?"
"係呀!我和牧師講好燒了後扔我的灰落海。"
"咁你想安息禮拜唱mug野歌?"
"詩篇…" "23篇?"
"係呀!…最好瞓咗覺醒了在天堂!"
"大家咁話!"我和應他。


"唉!點解細個我d人都走了，我仲未走?"
"時間未到…我地需要你為我們祈禱，關心我們。"我問他:"你係未好辛苦?"
"係呀!隻腳好痛!上次入院醫生話我d腸"yuk"唔到，好危險，又走唔到…"
"神的時間未到ma!"每次我都只能這樣答他。
佢是一位樂於為別人祈禱，但唔肯為自己祈禱的人，因為佢話祈禱時一定要質問神，點解俾佢咁辛苦!!!

這位隻腳屈唔到，勉強由床可以走去廁所，周身病痛的獨居長者，就是這樣每天躺在床上為我們祈禱，在我們的生日又會托人幫佢買書卷，叫我們上去拿生日禮物的老弟兄。

殷世伯，多謝你!