順著聖靈而行

"喂，"哥哥"地盤一位工友啱啱發現有胃癌，點知一打第一支化療針便"頂唔順"，而且仲擴好快散到xxxyyy部位…末期了…發現都唔夠2個星期，連d醫生都話快到未見過!!!"好友日前來電告之。

"唔係ma!未聽過胃can咁毒，走得咁快!"我的回應。

"咪係，你隻癌都算好彩，拖到咁耐!"

原來她來電的最主要目的，就是表達此感想，及提醒我"你都已經很幸運了"!

這個道理我一直都知，雖然人仍然唔係好滿足!

昨日終於記得返QE腫瘤科履診，今次遇上友人的醫生朋友，便唔客氣放贍問多幾句。

"醫生，通常我咁既病人可以玩多幾耐?" "我真係答唔到你，有D病人都可以活多2年。"
"我已經都快10年啦!" "咪係囉，你都好叻!唔好想太多，想多都無用啦!"
"咁都要有一些準備。" "我都明既…"一直笑住講的我也有點眼濕濕了。
佢最後贈我一大堆新止痛藥，叫我將屋企D陳年存貨扔掉--這是她惟一可作的事，一D心意。

愈來愈覺得，上帝俾個咁怪既病我嘆，我仲有野末做好，唔駛旨意咁快息勞歸主--至少一定要撹好間屋，及照顧自己身體好D先，活得好一點，才對得住上帝!

(平生最怕面對的2句經文:提前 3:5人 若 不 知 道 管 理 自 己 的 家 、 焉 能 照 管 　 神 的 教 會 呢 。 )

妹妹上周和我分享，在我歐遊期間，一次她和百多人一起上氣功班時，點知一個站在她身旁的病人突然昏倒墮地，而且即時失禁，有點急救常識的她心知不妙，叫人急CALL白車。

結果當妹妹找到當事人的手電，及轉折聯絡上她的丈夫時，妹妹在電話筒中聽到的對白: "Ma Mi暈咗，我地快d去睇佢。"其實當時她應該已經過身了!

實在見者流淚，聞者傷心!!!

生命本質確實很脆弱及無常，聖經話: "太 6:27你 們 那 一 個 能 用 思 慮 、 使 壽 數 多 加 一 刻 呢 。"

但借已故牧師楊牧谷之言：無常歸無常，但絕非無奈!

今天早上在教會的退修會內，走在道風山的明陣(條路鋪到清清楚楚的陣)中和神傾計，我的領會是:"順其自然，隨遇而安，順著聖靈過我的餘生。"一如腳前踏著的小徑，路就是這樣預備好，唔駛諗咁多，只要順著走，便會自自然然來到終點。

~~~重拾起過往在病至無力時，及今次無前設的歐洲之旅的真實體驗。

想通了，帶著輕省多了的心情下山去，重新進入人群，進入我的生活。