我絕對是一個"粗線條"冒失的人，所以很多時候得失了旁人而不知。
一世人至少遇到3次人家來向我道歉，因為嬲了我好一陣子，覺得應該forgive我，所以向我表白，叫我forgive的事件!!!
作為當事人的我當然是如夢初醒："mug佢一直嬲緊我?因為邊單???"
在常常痛到死，及面對不少身旁人"大大單"事情的情況下，真的沒有心力去追問前因後果，太累了!
只是為他們因著神的教導，可以鼓氣勇氣，向我表白，叫我原諒而感恩!
唉!還是那句:撒旦最種意見到我們不和，最唔想見到我們復和吧!
而一個人唔肯寬恕人地，最苦的往往是自己，因為對方其實真的可能矇然不知，或者就算知情，都無你咁苦毒!(我總想到一個人緊緊抓著刀口不放，不斷在流血的畫面!)--唔係D戲點解會有咁多報仇說恨，基度山恩仇記式的橋段呢?
何苦呢? 放過別人，也是放過自己!
5 comments:
我也曾經試過有咁樣的經驗，一次某人走來無端端跟我說：我原諒你！然後就走開了。我火都離埋，心裡面諗：『這算甚麼意思？一句「我原諒你」就真係當我得罪咗你呀？發你個春秋大夢呀！』
我覺得這種「我覺得你得罪我，我而家原諒你」的態度十分萬二分討厭。呢種做法最乞人憎的地方就是，你被佢冤枉你得罪佢，但係就連幾時、邊處、點樣都唔知，簡直係屈得就屈！佢仲要係點都唔話你知，等你諗餐死。呢種做法最最最最最令人討厭！
老實講，有時明明只係佢哋自己敏感，甚至是自討苦吃，卻表現到「係你錯，係你得罪佢，佢而家原諒你，佢好大方」。荒——荒謬個荒呀！
〔唔好意思，事隔幾年，諗起都仲把幾火。借個機會發咗出嚟。唔該哂！〕
仲有未完的話：如果佢哋真係「因著神的教導，可以鼓起勇氣」，就應該將事情和盆托出，而不是將原初的事件隱瞞，只說寬恕啦。佢哋根本就無打算和解，下一次你再做同樣的嘢，佢哋就會給你定型，說你「又係咁喇」。唔好俾佢哋呃你呀。
Oh, 忘記留下名字，唯恐惹來胡亂猜測。nc
NC
你真係好火!或多或少體會你的火氣…因為唔知道被人forgive d mug, 及被要求forgive, 是一件很莫名其妙的事!
不過事已過後+自己又完全無感覺，又要聽返d解釋，我又覺得幾無謂及累--除非真係有需要知啦!
記得上洗禮班時，導師曾教我們:如果你嬲了人而對方不知，自己向神處理過後，無必要向對方透露，重要是自己真的let go!--今天突然想起，覺得很有道理!
Anyway，有興趣知道你是誰?唔好叫我估大堆可能的nc....哈哈!由得你啦，想講全名就講!
薰
就係唔可以公開響全朵嘛。
Gen chan ne o! (無相干)!
尊重你啊!
薰
Post a Comment